विकिलिक्सका संस्थापक जुलियन असान्ज अन्ततः वर्षाै लामो कानुनी लडाइपछि बेलायती जेलबाट रिहा भएका छन् । अमेरिकी प्रशासनसँगको सम्झौतापछि असान्ज रिहा भएका हुन् ।
५२ वर्षीय असान्जलाई राष्ट्रिय सुरक्षासम्बन्धी अति गोप्य सूचना अनधिकृत रूपमा प्राप्त गर्ने तथा त्यस्ता सूचनाहरू चुहाउने कार्य गरेको अभियोग लगाइएको थियो। अमेरिकी प्रशासनले विकिलिक्सले सार्वजनिक गरेको इराक र अफगानिस्तानसँग सम्बन्धित फाइलका कारण धेरैको ज्यान खतरामा परेको आरोप लगाएको थियो ।
जुलियन असान्ज विगत ५ वर्षदेखि बेलायतको जेलमा थुनिएका थिए र उनी अमेरिका सुपुर्दगीको मुद्दा भित्रैबाट लडिरहेका थिए ।
