भारतको पश्चिम बंगाल राज्य स्थित न्यू जलपाईगुडी छेत्रमा सोमबार बिहान यात्रुवाहक रेल मालवाहक रेलसँग ठक्कर खाँदा १५ जनाको मृत्यु भएको प्रेस ट्रष्ट अफ इन्डिया (पीटीआई)ले जनाएको छ । सो घटनामा अरू ६० जना घाइते भएको पीटीआईले बताएको छ ।
सिलदह जाँदै गरेको कञ्चनजंगा एक्सप्रेसको सो रेल सोमबार रोकिरहेको अवस्थामा माल बाहक रेलले ठक्कर दिएको थियो । ठक्करपछि रेलका तीनवटा डब्बा लिगबाट बाहिरिएका थिए ।
