दक्षिण चीनको क्वाङतोङ प्रान्तमा भारी वर्षाका कारण राष्ट्रिय राजमार्ग एस१२ को एक हिस्सा भत्किएको छ । पछिल्लो अपडेट अनुसार दुर्घटनामा ३६ जनाको मृत्यु भएको छ भने ३० जना भन्दा बढी घाइते भएका छन् । दुर्घटना मिचोउ पहाड नजिक बुधबार मध्यराति २ बजे भएको थियो जसमा सडकको एउटा लेनको ५८.७ फिट भूभाग खसेको थियो ।
राजमार्ग भत्किँदा ५४ भन्दा बढी यात्रुहरू सवार सवारी साधनहरू तल झरेका थिए । बुधवार बिहान करिब २ बजे राजमार्गको ५८.७ फिट लामो खण्ड भत्किएपछि खसेका २३ वटा सवारीसाधन फेला परेको मेइझोउ सहर सरकारले जनाएको छ । अन्य तीस जना घाइते भएका थिए, तीमध्ये कसैको पनि ज्यान जोखिममा थिएन, सरकारी विज्ञप्तिमा भनिएको छ। घटनाको जानकारी पाएलगत्तै ५ सय राहतकर्मी उद्धारमा लागेका थिए । चीन सरकारले यस विषयमा छानबिन गर्न आदेश दिएको छ ।
दुर्घटनापछि राजमार्ग अवरुद्ध भएको छ । यो राजमार्गले क्वाङ्तोङलाई फुचियान प्रान्तसँग जोड्छ । चीनमा मजदुर दिवसमा चार दिन बिदा हुन्छ र देशका अधिकांश राजमार्गहरू टोल फ्री छन् । यसका कारण सवारीसाधन बढी दुर्घटनामा परेको हुन सक्ने अनुमान गरिएको छ ।
https://www.wlwt.com/article/fatal-highway-collapse-china/60665346
