उत्तरी पेरुको पहाडी सडकबाट एउटा बस खाल्डोमा खस्दा कम्तीमा २५ जनाको मृत्यु हुनुका साथै एक दर्जनभन्दा बढी घाइते भएको स्थानीय अधिकारीहरूले बताएका छन्। आइतबार राती सोरोचुको सहरतर्फ जाँदै गरेको बस पल्टिएर काजामार्काको एन्डियन क्षेत्रको सडकमा सो दुर्घटना भएको थियो । बस सडकबाट करिब २०० मिटर (करिब ६५० फिट) गहिरो खाडल भएको नदिमा खसेको थियो।
रातको समयमा एकदमै कच्ची सडकमा भएको दुर्घटनाको कारण उद्दारमा निकै कठिनाइ भएको त्यहाँका अधिकारीले जनाएका छन् । दुर्घटनामा अरू १३ जना घाइते भएको स्थानीय अधिकारीहरूले सोमबार बताएका छन्।
स्थानीय मिडिया आउटलेटहरूले रिपोर्ट गरे कि बस नजिकैको सेलेन्डिन शहरबाट यात्रा गरिरहेको थियो । दुर्घटनामा धेरै मानिसको ज्यान गएपछि त्यहाँको स्थानीय सरकारले ३ दिनको शोकको घोषणा गरेको छ ।
