पाकिस्तानको दक्षिणपश्चिम बलुचिस्तान प्रान्तको हब जिल्लामा भएको ट्रक दुर्घटनामा कम्तीमा १७ जनाको मृत्यु हुनुका साथै अन्य ३५ जना घाइते भएका छन् ।
चालकले गाडीको नियन्त्रण गुमाउँदा बुधबार राति धार्मिक तीर्थयात्री बोकेको ट्रक जिल्लाको गुलाम हुसेन चट्टा क्षेत्रमा खाल्डोमा खस्दा उक्त दुर्घटना भएको हो । उद्धारकर्मीहरूले घटनास्थलमा पुगेर घाइतेहरूलाइ स्थानीय अस्पतालमा लगेका थिए भने उनीहरूलाई थप उपचारको लागि कराँची लगिएको छ ।
तीर्थयात्रीहरू दक्षिणी सिन्ध प्रान्तको थट्टा जिल्लाबाट बलुचिस्तानको खुजदार जिल्लामा रहेको एउटा तीर्थस्थलमा जान लागेका थिए ।
