म जान चाहन्थेँ गरिबको घरमा
बाटो बिराएको छैन मैलेँ
म आफ्नो नक्सा कोर्न सक्दिन
कोर्नेहरु मलाई उल्टा सिधा कोरिदिन्छन्
म कसरी हिड्नु सिधाबाटो
बीचबीचमा उभिन्छन् यहाँका साँढेहरु
मेरो बनावट नै बिगार्दिन्छन
आफ्नो सहजताको लागि
साँढेका पुच्छर बटार्ने भन्दा
समाउने भेटिन्छन् धेरै यहाँ
म कसरी पुग्ने गरिबको घरमा
साँढेको पुच्छर समाउनेहरु
बन्छन हर्ताकर्ता जहाँ
सकिन्न जबसम्म राजनीतिक स्वार्थबाद
म बाटो बाङ्गोटेडो नै हुन्छु
साँढे र पुच्छर समाउनेहरू
बन्दैछन् मेरो अगाडि बाधक
लौन!कोही त आउ
साँढे र साँढेको पुच्छर हटाउँन
सकु म यिनलाई पछारी
सीधाबाटो भएर गरिबी मेटाउन।
-नारायण कोइराला
तानसेन,पाल्पा
