तितोपाटी -बिगत १६ महिना देखि कुवेतको आदान अस्पतालमा उपचार गराइरहेकी प्यूठानकी तुलसा जिसीलाई स्वदेश फर्काइएको छ । १६ महिनादेखि जीवन र मृत्युको दोसाँधमा अस्पतालको शैय्यामा अचेत अवस्थामा उपचारत तुलसालाई कुवेतस्थित नेपाली दूतावासले उद्धार गरि स्वदेश फर्काएको हो ।
प्युठान जिल्ला झिमरुक गाउँपालिका-५ ओखरपुर घर भएकी तुलसालाई स्वदेश फर्काउन दूतावासले लामो समयदेखि पहल गरेको थियो।
बिगत २ बर्षको भिसा समाप्त भएसंगै अबैधानिक बन्न पुगेकी तुलसा अबैधानिक रुपमा रहेको बुझिएको छ। उद्धार पश्चात् तुलसाको काठमाडौं स्थित वीर अस्पताल हुँदै हाल काभ्रेको बनेपास्थित थेरापी सेन्टरमा उपचार भैरहेको उनकी छोरी सिता जिसीले जानकारी दिएकी छिन ।
घरेलु कामदारको रुपमा करिब ४ बर्ष पहिले कुवेत आएकी तुलसा एक्कासी हराएकी थिइन् । बेखबर बनेकी तुलसाको खोजबिन गरी स्वदेश फर्काइदिन अनुरोध गर्दै उनका परिवारले नेपाली दूतावास कुवेतलाई पत्र पठाएको थियो । खोजी गर्दै जाँदा उनी अस्पतालको वेडमा भेटिएकी थिईन। उनकी छोरीका अनुसार तुलसा एक्कासी ढलेर बेहोस् भएकी थिइन् । त्यसपश्चात् उनलाई अस्पताल पुर्याएर मस्तिष्कको अप्रेसन गरिएको थियो । तुलसाको स्वास्थ्यमा अझै सुधार हुन सकेको छैन । अहिले उनलाई प्यारालाइसिस भएको छ भने शरीरको एक भाग चल्दैन । उनि बोल्न सक्दिनन् तर इसारा भने बुझ्ने सम्म भएकी तुलसाकी छोरीले बताईन ।
आमाको उपचारमा आर्थिक अभाब भएपछि तुलसाको छोरीले विभिन्न सामाजिक संघ-संस्था र सरकार सामु सहयोग पहलको लागि धाइरहेकी छन् ।
