आज बडा दशैंको साताैं दिन फुलपाती । आज पृथ्वीनारायण शाहको पालादेखि चलिए आएको गोरखा दरबारको फुलपाती हनुमान ढोका दरबारमा भित्र्याइँदै छ । गोरखा दरबारबाट यसपालीको फूलपाती काठमाडौँस्थित हनुमानढोका पठाइएको छ । गोरखा दरबारस्थित कालिका मन्दिरको दसैंघरबाट काठमाडौं हनुमानढोकाको दसैंघरमा भित्र्याउने फुलपाती शनिबार बिहान आठ बजे विधिवत रुपमा फुलपाती काठमाडौंको हनुमानढोका पठाइएको हो । यस वर्ष गोरखा दरबारसँगै लिगलिकोटबाट ल्याइएको फुलपाती सहित बाजागाजा र हर्षोउल्लसाका साथ फुलपाती काठमाडौं हनुमानढोका पठाइएको हो ।
पहिले नुवाकोट हुँदै हिँडाएर लगिने डोली आजभोलि गाडीमा चढाएर पठाउन थालिएको छ । पृथ्वी नारायण शाहले काठमाडौँ एकीकरण गरेपछि गोरखाको संस्कार संस्कृति जोगाउनका लागि र त्यसबाट शक्ति आर्जन हुने विश्वासका साथ फूलपातीको डोली नियमित काठमाडौँ पठाउन थालिएको हो । गोरखाबाट पठाइएको फुलपाती हनुमान ढोका पुगेपछि हर्ष बढाइँका साथ फूलपाती भित्र्याउने चलन छ ।
नवदुर्गाको पुजाको लागिफुलपातीको अघिल्लो दिन नै बलीपूजा सम्पन्न गरि गोरखा दरवारका सुसारेहरुले अमराइ, ठुलो वन लगायतका जंगलबाट नौ प्रकारका प्रजातिका फुलपत्र संकलन गरि हनुमानढोका पठाउने गरिनछ । गोरखा दरबारबाट हनुमानढोका दरबारमा फुलपाती भित्र्याउने परम्परा निकै पुरानो हो । पृथ्वी नारायण शाहले काठमाडौँ एकीकरण गरेपछि गोरखाको संस्कार संस्कृति जोगाउनका लागि र त्यसबाट शक्ति आर्जन हुने विश्वासका साथ फूलपातीको डोली नियमित काठमाडौँ पठाउन थालिएको हो ।
