संघर्ष बिनाको जित पनि हार जस्तो लाग्ने रहेछ ।
मायाँमा उजाडिएको संसार जस्तो लाग्ने रहेछ ।।
मन पनि यति अताल्लि सक्यो कि अब कसैको
सहयोगी हातहरु पनि तरवार जस्तो लाग्ने रहेछ ।।
आखिर अगुल्टोको चोट धेरै पटक खाएर होला
चट्याङको झड्का बारम्बार जस्तो लाग्ने रहेछ ।।
जिवन यात्रा जस्तै जस्तै यो मायाको सागर पनि
तरेरै नसकिने हजारौं जंघार जस्तो लाग्ने रहेछ ।।
मुटु भित्रै बास दिएपनि कसैको अधिनमा रहँदा
निश्चल दिल पनि कारागार जस्तो लाग्ने रहेछ ।।
