जनताको कलमबाट इतिहास लेखिन्छ नै ।
यसपालाको चुनावमा तिम्रो रुप देखिन्छ नै ।
लुट्नलाई मुलुकको ढुकुटी नै नियाल्ने त्यो
लोभी पापी स्वार्थी दुष्ट गिद्धे नजर छेकिन्छ नै ।
बिना पौरख मोजमस्ती घिउ खाई मोटाएको ,
पक्कै पनि पुर्पुरो र करङ ढाड सेकिन्छ नै ।
अन्याए र अत्याचार भ्रष्टाचारको बिरुद्धमा ,
बेत पैय्युँ घँगारुको काटी लौरो टेकिन्छ नै ।
एकताको सूत्र भित्र सबैजना लाग्यौँ भने ,
स्वाभीमान समृद्धीले यो नेपाल थेगिन्छ नै ।
