शीत काव्य समाज बागमती प्रदेशको अायोजनामा शीत काव्यका परिकल्पनाकार पुष्कर अथक रेग्मीको कृति ” अलिकति ‘ बिमोचन गरिएको छ । साहित्यका विभिन्न उपविधाका प्रवर्तक/परिकल्पनाकारहरूको समुपस्थितिमा ‘अलिकति’ विमोचन गरिएको हो । साहित्यका विभिन्न उपविधामा कलम चलाइरहेका लेखक तथा समीक्षक रेग्मीको यो कृति एक बाल काव्य संग्रह हो ।
युनिभर्सल टेलिभिजन बालाजु काठमाडाैंमा अायोजित कार्यक्रमको सभाध्यक्षता शीत ईश्वर कृष्ण के.सी.(अध्यक्ष , शीत काव्य समाज बाग्मती प्रदेश )को रहेको थियो भने बरिष्ठ साहित्यकार शैलेन्दु प्रकाश नेपालको प्रमुख अातिथ्यता तथा समीक्षक वेदविज्ञ तिलक प्रसाद लुइटेल रहनु भएको थियोे ।
अथकको बाल काव्य संग्रह अलिकति भित्र लघुतम काव्य शीत, त्रिशूल , षडऋतु,आगो, मुक्तागो, हाइकु, साइनो,जुनेली, टुक्का, बाछिटा , पञ्चक , झर, खोरिया, कथन , करूवा , मुक्तक , गजल, छेस्का , गेडी, झ्याउरे, कोपिला , सुसेली, उदक , ताङ्का, पञ्चाङ र रम्बास गरि २६ वटा प्रविधा÷ उपविधामा आधारित बाल काव्यहरू रहेका छन् ।उक्त कार्यक्रममा शीत काव्य समाज वाग्मती प्रदेशद्वारा लेखक अथकलाई अभिनन्दन समेत गरियो ।
कार्यक्रममा उपस्थित परिकल्पनाकार/ अभियन्ताहरू सुसेली : दुर्गा अधिकारी भमरकोटे, अागो/ मुक्तागो : दीर्घबहादुर चन्द, तुक्का : तारा प्रसाद चापागाईं, पञ्चाङ : सुशीला पौड्याल, उदक : सविता कार्की, मुक्तक : निर्मल रमण अधिकारी, खोरिया : जनार्दन अधिकारी धडकन, छेस्का : बिनोद नेपाल, षडऋतु : सीता बिष्ट कार्की ‘ सीबिका’, उतार : टेक बहादुर खत्री, पन्चक : कृष्ण के. सी., शीत / त्रिशूल : पुष्कर अथक रेग्मी हुनुहुन्थ्यो भने उक्त कार्यक्रममा साहित्यलाइ माया गर्ने साहित्य सर्जकहरूको बाक्लो उपस्थिति रहेको थियो ।
बागमती प्रदेशका उपाध्यक्ष माधव विडारीको स्वागत तथा महासचिव दामोदर ढकाल दीपकको संचालनमा सम्पन्न उक्त कार्यक्रमको सुखशान्ति टेलिभिजन र युनिभर्सल टेलिभिजनले प्रसारण गरेका थिए ।
सोही कृत विमोचनको अवसर पारेर लघुकाव्य उपविधा सन्जाल पनि गठन गरिएको छ जसमा दुर्गा अधिकारी भमरकोटे (अध्यक्ष ) सीता बिष्ट कार्कि ( उपाध्यक्ष )पुष्कर अथक रेग्मी ( महासचिव ) डा . शैलेन्दु प्रकाश नेपाल ( सल्लाहकार ) तिलक प्रसाद लुइटेल (सल्लाहकार) रहेका छन् भने पुर्ण समिति पछि सार्वजनिक गरिने पनि जनाइएको छ ।
