Sunday 17th August 2025

कविता: जन युद्धको खवर -अनिपाल के.सी.(सुप्रिम)


वास्तविक जनयुद्ध लडेका लडाकुहरु
युरोप अरब खाडी मुलुक गएका छन रे
उखरमाउलो गर्मि अस्सी डिग्रि तापक्रममा
काम गर्दा पनि अझै दु:ख पाएका छन रे

सहिद बेपत्ता अपांग अनाथ विधुवाहरुका
आँखा ओभानो छैनन रसाएका छन रे
यता कता सँगै युद्ध लड्ने साथीहरु चाँहि
चिटिक्क पर्दै तारे होटल धाएका छन रे

जनताको आँखामा छारो हाल्दै अझै……
विकास र समृद्धिको गित गाएका छन रे
गरिवको झोपडी दु:ख सुख जे भएता पनि
नेताहरुले चौरासी बेञ्जन खाएका छन रे

जनयुद्धको आधार किल्ला कर्णाली तिर..
भत्काएका संरचना अझै ढलेका छन रे।
हाम्रा ती प्रचण्डे बाबुरामे प्रभाकरे अनन्तेले
हिजोआज मिठो भोजन खाएका छन रे

आरोप प्रत्यारो गर्दै तलब भत्ता खादै
आफू अनुकूल मिडियामा छाएका छन रे
ठेक्कादार माफिया काला बजारिया संगको
संगतले महल ठड्याएका छन रे ।।

देशीविदेशीको गुलामी हुँदै पुजीवादी बने रे..
अरबौ खरबौका बिटा अठ्याएका छन रे।
काम भन्दा खाली भासण मात्रै गर्छन अरे..
युवाहरुले मासु भात ठट्याएका छन रे…।

द्वन्द पीडित
रचना -अनिपाल के.सी.(सुप्रिम)
खत्याड गाउँपालिका-११लुई,रातापानी,मुगु
Email-lokdeuad74@gmail.com


सम्बन्धित शीर्षकहरु

कुवैत सिटी, दुई दर्जन भन्दा धेरैको ज्यान जाने गरी वितरित विषाक्त रक्सिको सेवनबाट हाल सम्म १० जना नेपाली मरेको पुष्टि…

-घनश्याम खतिवडा पृष्ठभूमि: संयुक्त राज्य अमेरिकी सरकारले माध्यमिक विद्यालय तहका बालबालिकाहरूलाई आफ्नो रुचिअनुसार मूल पाठयक्रम बाहेकका विषयहरूमा आफ्नो क्षमतालाई बढाउन…

अमेरिकी र रुसी राष्ट्रपतिको बहुचर्चित अलस्का भेटवार्ता ले युक्रेन रसिया युद्धको हल निकाल्न सकेन । तर दुवै नेताहरुले बार्ता सकरात्मक…

प्रतिकृयाहरू
...