१.
छुपुमा छुपु रोपेर धान असार मासमा
बाउसे दाजु बाउसे गर्दै त्यो हिलो भाषमा ।
२.
बिहानै उठी आँगन दलान माटोले पोतेको
हो हो रे हो हो भनेर गोरु हिलोमा जोतेको ।
३.
वर्षात को बेला पानी परेर झरी नै परेकाे
मानो खाई मुरी उब्जाउने तिर्सना मरेकाे ।
४.
असारे बेला परेकाे झरी रमाइलो लाग्दछ
लहलह बीउ हरियो देख्दा आलस्य भाग्दछ।
५.
खेतका गरा टम्म भरियो रात दिन को पानीले
हार गावा मिलाई रोपेको हेर ती सानी नानीले।
✍️ सरस्वती श्रेष्ठ
इटहरी
