डा. हरिमोहन पोखरेल, कोहिमा/मणिपुर राज्य सरकारले असमको विभिन्न जग्गामा बाढबाट पीडित भएका मानिसहरूलाई सहायतार्थ एक करोड राशि बराबरको खाद्य सामाग्री पठाएको छ ।
मुख्यमन्त्री सचिवालयबाट प्राप्त समाचार अनुसार अनुसार हिजो राज्यका मुख्यमन्त्री एन बिरेनले खाद्य सामाग्रीले भरिएको बसलाई झण्डा उठाएर प्रस्थान गराएका हुन् ।
राहत पठाउने क्रममा बोल्दै उनले भने आपतको घडीमा राहत पठाउनु नै साँचो अर्थमा मानवताको सेवा हो ।
उनले अगाडि थपे कि असम र मणिपुरको संबंध अति नै प्राचिन रहेको र यस्तो विकराल स्थितिमा मदत गर्न पाउनु पनि ठूलो कुरा हो । यसै अवसरमा मुख्यमन्त्रीले बीसजना एनडीआरएफ पर्सनलहरू पनि पठाए ।
स्मरण रहोस् असममा बाढीले गर्दा सयाैं मानिसहरूको ज्यान गएको छ भने हजाराैं मानिस घरबारबिहिन भएका छन् र लाखाैं हेक्टर जग्गाको बालीनाली नष्ट भएको छ ।
—
कोहिमा नागालैंड भारत ।।
