Friday 20th November 2026

अफगानिस्तानमा भूकम्पबाट मर्नेको संख्या १००० नाघ्यो, हजाराैं घाइते


अफगानिस्तानमा शक्तिशाली भूकम्पमा परी एक हजार जनाको ज्यान गएको र सयौं घाइते भएको समाचारहरू प्रकाशित भएका छन् । भूकम्पले बढि प्रभावित भएको पक्तिका प्रान्तका सूचना प्रमुख मोहम्मद अमिन हाजिफीलाइ उधृत गर्दै १,००० जनाको मृत्यु भएको र १,५०० भन्दा बढी घाइते भएको समाचार बीबीसीले जनाएको छ ।

अफगानिस्तानको दक्षिण-पूर्वी सहर खोस्टबाट ४४ किमी (२७माइल) टाढा भूकम्प गएको थियो । भूकम्पबाट प्रभावित पक्तिका प्रान्तमा ग्रामिण इलाकाहरूमा बस्नेहरू भूकम्पबाट बढी प्रभावित भएका छन् । भूकम्प पछि सञ्चार सम्पर्क विच्छेद भएका कारण स्थानीयहरूबाट क्षतिको यकिन विवरण लिन सम्भव भइरहेको छैन ।

स्थानीय समय अनुसार गएराति ०१ः३० बजे मानिसहरू सुतिरहेको समयमा गएको ६.१ रेक्टर स्केलको भूकम्पले पक्तिका प्रान्तमा माटोले बनाएका धेरै घरहरू भत्किएकाले उद्दार टोलीले जमिनमुनी पुरिएकाहरूको खोजीकार्य गरिरहेका छन् भने मर्नेको संख्या बढ्न सक्ने बताइएको छ । उद्धारकर्ताहरू घाइतेहरूको उपचार गर्न र भगनावशेषमा जिउँदै मानिसहरूको खोजिमा लागिरहेका छन् ।

अफगानिस्तानमा गएको दुई दशकयताकै सबैभन्दा ठूलो भूकम्प हो ।


सम्बन्धित शीर्षकहरु

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

प्रतिकृयाहरू
...