“पाँच तत्त्व पाँचै विकार, पञ्चाङ्ग नै ठिक आधार”
१
पन्ध्रौं गणतन्त्र दिवसको शुभकामना सबैमा
अधिकार सुनिश्चित गर्न मिलोस् भावना सबैमा
गणतन्त्रात्मक देश यहाँ जनताको होस् कदर
उठाउने सामाजिक समस्याको धावना सबैमा
लडि बलात्कारीको फाँसी दिने होस् सामना सबैमा ।
२
जनताले छाने अब मेल गराउनु तिमीले
विकासका काम गरि भेल गराउनु तिमीले
सम्पूर्ण कामको जिम्मेवारी हातमा सुम्पेका छौँ
राम्रो काम गर्ने शैली खेल गराउनु तिमीले
भ्रष्ट , बलात्कारी जति जेल गराउनु तिमीले ।
३
बदलिँदै बर्षातको समय आएछ नि
सबेरै किसान खेतबारीमा धाएछ नि
समयको रखवाली गर्नु दायित्वपन
कामकै चटारोले आधा पेट खाएछ नि
सबै पीडा भुल्दै असारे गीत गाएछ नि ।
४
विचार कसले सुन्देला राम्रो संघिय काज नै नहुँदा
पहल कसले गर्देला र मनमा कुनै राज नहुँदा
नेतृत्व छनक जुनसुकै प्राणीमा पनि देखिनुपर्ने
पंक्षी समूह कहाँ बलियो देखिएला बाज नै नहुँदा
सरफ पनि लायक हुन्न घुलनमा गाज नै नहुँदा ।
५
काम गरेरै खाने समयमा किन हेरिन्छ जात यहाँ
विश्व साँघुरिएको छ किन बेचैन मान्छेको खात यहाँ
बोल्नेको पिठो बिक्छ सहजै सोझो हेरेको हेर्यै जमाना
सोर्स र फोर्स लाग्नेको मात्र सुनिश्चित सबै बात यहाँ
बिपन्नताको घरमा किन पाक्न सक्दैन त भात यहाँ ।
६
किन गर्ने ठाउँ पुगेपछि चढ्छ सबैलाई मात यहाँ
दिनमात्र अाफ्नो विपरीत परिश्रमीलाई रात यहाँ
समय अनुकुल परिणाम राख्न मुस्किल सबैलाई
मुस्किल छ रूखलाई खाना बनाउन बिना पात यहाँ
छायाँ पियारो सर्वशक्तिमान हुन्छ मानव हात यहाँ ।
जमुना आचार्य
सिन्धुपाल्चोक
