Thursday 30th June 2022

गठबन्धनको जितमा रमाउने एमालेहरु


तोयानाथ उपेक्षित, गठबन्धनले स्थानीय चुनाव जित्यो, एमालेले हार्यो भनेर रमाउनेहरुको कुनै कमी छैन । त्यसरी रमाउनेहरु गठबन्धनका मात्र नभएर एमाले भित्रका मानिसहरु छन । त्यही खुशीको बलमा घनश्याम भुसाल र भिम रावलहरुले अहिले पुन परोक्ष रुपमा ओलीको राजीनामा मागेका छन र अरु कसैकसैले घुमाई फिराई नेतृत्व माथि नैतिक सवाल खडा भएको तर्क गरेका छन । यो एमालेलाई थप कमजोर बनाउने प्रयास शिवाय केही होईन ।

के उसो भए एमालेले स्थानीय चुनाव हारेकै हो त ? यसको सिधा जवाफ हो भनेर भन्दा ठिक्कै जस्तो लाग्छ तर बास्तवमा एमालेले स्थानीय चुनाव हारेको छैन । उसको प्राविधिक हारलाई समग्र हारको रुपमा लिन हुदैन । अहिले पनि एमालेको मतभार घटेको देखिन्दैन । यसको मतलब के पनि हो भने माधव नेपालको विभाजनबाट एमालेलाई केही फरक परेन ।
हार त तिनीहरुको भएको छ जसले पाँच वा छ पार्टीको गठबन्धन बनाएर एमालेका विरुद्धमा मोर्चाबन्दी नै गरे । उनीहरुले यसरी मार्चाबन्दी गरेर जहाँ जहाँ जिते त्यो जित एउटा स्वतन्त्र उमेद्धारको जित जस्तै हो । त्यहाँ कुनपार्टीको गीत बज्छ कसको ढोल बज्छ भन्ने केही हुदैन । नीति विनाको भिडले कसको एजेन्डा बोक्ने र ? कसको मतदाताको भोटले जितेको हो भन्ने स्वय विजेता दलहरुलाई थाहा नभए पछि तिनको जित दलगत हुन सक्दैन । कानूनी रुपमा जसको जित भनिए पनि बास्तविकतामा ती सवैको स्वतन्त्र उमेद्धारकै हैसियतमा रहने भएकाले । त्यो जितलाई गठबन्धनले आफ्नो पार्टीमा जोडेर रमाउनुको कुनै तुक हुदैन । यसले भविश्यमा हुने निर्वाचनमा आफैलाई मुल्यांकन गर्न नसक्ने ठाउँमा पुर्याउँछ र सधैभरी गठबन्धनमा आश गर्न पर्ने हुन्छ । निष्ठा र सिद्धान्त हुर्मत लिने काम हुन्छ ।

एमाले भित्र दश भैयाहरुको रुन्चे सक्रियता बास्तवमा औपचारिकतामा सिमित रह्यो । उनीहरु पार्टी कारवाहीमा परिएला भनेर मात्र नेतृत्वका विरुद्धमा बोलेनन तर मतदानमा उनीहरुले धेरै ठाउँमा अन्तरघाती रोल नै खेले खेलाए । यसो गर्नका लागि उनीहरु एक प्रकारले स्वतन्त्र व्याक्ति जस्ता भईदिए । चितवनमा जे भयो, पोखरामा जे भयो र स्वयं काठमाण्डौमा पनि अनेक कुरा भयो । यी त अन्तरघातका देखिने स्थानहरु हुन । यसो भनेर निर्वाचित जनप्रतिनिधीको अवमुल्यन गरेको होईन । कुरो मात्र के हो भने एमाले भित्र एउटा घिनलाग्दो अनैतिक राजनीतिको जन्म भईसकेको चाही पक्का हो । धेरै नगरपालिका र गाउँ पालिकामा पनि यस्तै यस्तै भएर एमाले उमेद्धारले धेरै ठाउँ जित निकाल्न सकेनन । वडामा पनि धेरै तिर अन्तरघात भएको छ । यसलाई हेर्दा यो कांग्रेसको पुरानो रोग एमालेमा सरेको देखियो । एमालेमा व्याक्तिबादी प्रवृत्ति निक्कै झांगिएको यो चुनावको परिणामले देखायो ।

एमालेजनहरुले यसपटकको स्थानीय चुनावमा गुमाएको सिट संख्या मात्र हो मतदाता भने जोगाएको छ यो नै उसको जित हो । त्यसलै निराशा हुन पर्ने देखिन्दैन । कुन परिस्थितीको सामना गरेर एमालेले सिट संख्यामा दोश्रो र मतभारमा पहिलो हुन सक्यो भनेर हेर्न पर्दछ । गठबन्धनले त एमालेलाई चौथो वा पाँचौ बनाउछौ भनेर खुल्ला घोषणा नै गरेका थिए तर त्यस्तो भएन । यसर्थ गठबन्धनवालाहरुले चुनाव हारेकै हुन भन्दा पनि फरक पर्दैन । एमालेले एकाध ठाउँमा त्यहाको परिस्थिती र परिवेश अनुसार गठबन्धनले छाडेका झिना मसिना स्थानीय शक्तिलाई लिएर तालमेल गरेको कुरालाई अर्को तिर पनि गठबन्धन छ भनेर तुष्टि गर्ने प्रचार भए पनि त्यसको खासै अर्थ छैन एमालेले सवैलाई एकातिर आफू एक्लै भिडेर पछारेको हो ।

अब सवै राजनैतिक दलले बुझ्न पर्ने के देखियो भने निर्वाचित जे जति जनप्रतिनिधीहरु छन तिनलाई छाडा छाड्न भएन । तिनको कार्य दक्षताको जाँच गरेर निर्देशन दिने, उनीहरुको कामको मुल्यांकन गर्ने र कारबाही र दण्ड गर्ने निति अघि सार्न पर्ने देखियो । यदि होईन भने यो प्रष्ट छ की हर्क साम्पांग जस्ता स्वतन्त्र अभियान्ताहरुको विकल्प जनता सँग हुने छैन । हमाल र बालेन थप जन्मने निश्चित छ । यसो भयो भने पनि जनताको तहबाट हेर्दा त्यो खुशीको कुरा नै हुनेछ किनकी उल्लेखित पात्रहरु योग्यता, क्षमता, निष्ठा र लगन भएको मानिस हर्क भएर जन्मिदै जानेछन । बालेन भएर जरुक्कै उठनेछन र हमाल बनेर उदाउनेछन । यसमा जनताको के आपत्ति छ र ? त्यस्ता पात्र पार्टीले जन्माई दिने हो भने जनताले पाटीका प्रतिनिधीलाई छाडेर भोट अन्त हाल्न जानै पर्दैनथ्यो भन्ने बुझन जरुरी छ । शायद अब सवै राजनैतिक दलको ध्यान गंभिर रुपमा गएको हुन पर्दछ । नत्र यो देशमा निर्दलीय उमेद्धारले स्थानीय तह देखि देश पनि चलाउने ठाउँसम्म पुग्नेछन र यो व्यवस्थालाई नै एक दिन मिल्काउनेछन ।


Loading...
सम्बन्धित शीर्षकहरु

डा. हरिमोहन पोखरेल, कोहिमा /मणिपुर राज्यका मुख्यमन्त्री एन बिरेनले हिजो अन्तर्राष्ट्रिय स्तरमा उच्च खेल प्रस्तुत गरेर राज्य र राष्ट्रिय स्तरमा…

लुलु समुहका बजार तथा संचार निर्देशक वि. नन्दकुमार यस क्षेत्रको उत्कृष्ट अवार्ड "रिटेल मार्कम ICON'22" बाट सम्मानित भएका छन् ।…

"पाँच तत्त्व पाँचै विकार, पञ्चाङ्ग नै ठिक आधार" विधा :- पञ्चाङ्ग अभ्यास गर्ने थलो :- पञ्चाङ्ग पाठशाला मिति:- २०७९/ ०३/०१४…

प्रतिकृयाहरू