मोलमोलाई दलाली र सँधै भाउ दरको कुरा ,
गरि बाँच्छ मान्छे धन सम्पति र घरको कुरा ।
कालो गोरो बलियो र निर्धो राम्रो नराम्रो त्यो ,
धनी गरिब ठूलो सानो जातिपाती थरको कुरा ।
सँगै ज्युने सँगै मर्ने बाचा कसम सङ्कल्पमा
मायाप्रेम आस्था अनि जुनी काट्ने भरको कुरा
कोही अग्ला महल र कोही गल्ली फुटपाथमा
कसैलाई घुम्ने कुर्ची कसैलाई करको कुरा ।
नातागोता छरछिमेक आफ्नै भन्नेहरु बाट ,
हत्याहिंसा बलत्कार अन्याए र डरको कुरा ।
टहल आचार्य
२०७९/०१/१६
