Friday 11th July 2025

गद्यकविता: नयाँ वर्ष -सुधा बासकोटा ढकाल


पुराना पीडा
व्यथा
दुख
कष्ट बिर्साउन
घाउ लागेको
हृदयमा
मलम लगाउन
आउँदै छ
नयाँ वर्ष!
उमङ्ग लिएर
मिठो प्रेमको
तरङ्ग लिएर
सन्तुष्टि
र आशा बोकेर
समृद्धि बोकेर
त्यसैले त
हरेक मुटुका
स्पन्दनमा
एउटा आशा
पलाएको छ
फेरि
जसरी
बोटबिरुवाहर
टुसाएका छन्
नव पालुवाका साथमा
जसरी पवनले
नयाँ सुवास
मग्मग
फैलाएको छ
ठिक त्यसरी नै
पुनः
नयाँ वर्ष
आउँदैछ
आशा जगाउँदै
जाँगर बटुल्दै
पुराना दिन
जस्ता भए पनि
बिते
रुमलिनु छैन
त्यसमा
पवित्र
कामना गरौँ
आजैबाट
नयाँ वर्ष
नयाँ
प्रवृत्ति लिएर आवस्
सबैका प्रवृत्ति
सुध्रिउन्
घरघरमा
समृद्धि झल्कियोस्
गुराँसझैँ
फुलोस् नयाँवर्ष
नव पालुवाझैँ
मुस्काएर
प्रत्येक नेपाली
हृदयमा
तृप्ति दिएर
खुलोस्
सुख शान्ति
र उमङ्ग छावस्
सर्वत्र
नयाँ वर्ष
विकास बनेर
आवस
खुशी बनेर
आवस!!

सुधा बासकोटा ढकाल
काठमाडौँ


सम्बन्धित शीर्षकहरु

तितोपाटी- हालै मलेसियामा सम्पन्न एसीसी यू–१६ इस्ट जोन कप क्रिकेट प्रतियोगिताको उपाधि विजेता नेपाली टोलीलाई नेपाल क्रिकेट संघ (क्यान) ले…

तितोपाटी - पछिल्लो पटक चर्चामा रहेका गायक  दुर्गेश थापा र सिसन बानियाँले बजारमा ल्याएको  नयाँ गीत ‘जाने भए जाम माया’ले…

बेरुत: लिटानी नदीको दक्षिणमा रहेको आइतत शहरका बासिन्दाहरूले बिहीबार UNIFIL सेनामाथि आक्रमण गरे। आक्रमणकारीहरूले लेबनानी सेनाको एकाइको साथ नदिई वादी…

प्रतिकृयाहरू
...