१
नयाँ वर्ष आयो
स्वागत छ फेरि
आशा र भरोषा
उहीँ यथावत
लिएर आवोस
हर्ष र उल्लास ।
२
साल फेरिए झै
नयाँ जोस सङ्गै
अभाव को चिर्दै
खुसियाली सङ्गै
लिएर आवोस
साल नयाँ बन्दै ।
३
रोग ब्याधि दुख
पर पर सार्दै
सोच बिचारमा
सकारात्मकता
भर्दैआवोस ल
उमंग छर्किदै ।
४
जस्तै परिस्थिति
आए पनि यहाँ
लडने साहस
भर्दै आवोस है,
नयाँ वर्ष धेरै
खुसियाली लिदै ।
५
बसन्त ऋतुको
सुन्दर पालुवा
जस्तै आवोस ल
नयाँ वर्ष यहाँ,
सुन्दर बिहानी
झै सुनौलो बन्दै ।
६
हर्ष उल्लासका
साथमा सधै झै
मनाए जसरी
मनाउने ईच्छा,
आवोस यो वर्ष
आशाहरु भर्दै।
शोभा आचार्य गौतम
