रमाईलो तिम्रो शहर मेरो गाउँ जस्तो लाग्यो ,
हुन्छ भनेदेखि सानू त्यतै आउँ जस्तो लाग्यो ।
देखेकोले के हुन्थ्यो र कतै लेख्या रैछ भने ,
सँगै ज्युने मर्ने गरि साईनो लाउँ जस्तो लाग्यो ।
अठत्तर त गयो गयो उनासीको बैसाखमा ,
राखेँ प्रस्ताव सकेअब निधो पाउँ जस्तो लाग्यो ।
आमा बाको सल्हामा ज्योतिषीकाँ गएर नै ,
चिना हेरे पनि मिल्ने राशी नाउँ जस्तो लाग्यो ।
यो टहलले पाए साथ हिरामोती फलाउन ,
दोलखामा गजलका बहर दाउँ जस्तो लाग्यो ।
टहल आचार्य
२०७८/१२/२६
