डा. हरिमोहन पोखरेल, कोहिमा / महामहिम राज्यपाल प्रो. जगदीश मुखीको सम्बोधनको साथ नागालैंड विधान सभाको बजेट सत्र हिजोबाट शुरु भएको समाचार प्राप्त भएको छ ।
विधानसभामा सम्बोधन गर्दै महामहिम राज्यपालले भने नागाहरूको राजनैतिक स्थाई समाधानको लागि सबै जनताहरूले नै आफ्नो सोच विचार बदल्नुपर्ने छ ।
उनले अगाडि भने कि लगातार प्रयास जारी नै रहे पनि आपसी तालमेल नबनेकोले गर्दा नै नागाहरूको स्थाई समाधान भएको छैन ।त्यसको लागि सबै तह तप्काबाट प्रयास जारी राख्नुपर्ने छ ।
आफ्नो सम्बोधनमा उनले ओटिङ मामिलाको याद दिलाउदै भने कि ओटिङमा घटेको घटनाले सबै दुःखी छौ ।उनीहरूको पारिवारिक दुखमा हामी संगै उभियौ अनि फेरि पनि सरकारले सबैको क्षतिपूर्ति दिएको छ । यस्तो खालको घटना भविष्यमा नघटोस ।
राज्यको अहिलेको अबस्थाको कुरा गर्दै उनले भने कि कोभिड महामारीको समयमा हामीले सरकारले दिइने सहयोग सबै तप्काको मानिसहरूलाई दिएको हो । जसमा उल्लेख गर्न सकिन्न ।
राज्यको विकास र उन्नतिको कुरा गर्दै मुखीले भने कि यदि युवाहरू सक्रिय रूपमा जागरूक भए सरकारले खोलेका उन्नतिको बाटाहरूबाट सजिलै सफलता पाइन सकिन्छ ।
स्मरण रहोस् राज्यको बजेट सत्र आगामी एकतीस मार्च सम्म चल्ने छ जसमा सरकारले धेरैवटा बिलहरू पास गर्ने संभावना छ ।
—-
कोहिमा नागालैंड भारत ।।
