टहल आचार्यको गजल संग्रह – २५

गजल
###
हिरा फल्ने सम्म फाँट मोती फूल्ने भीर मेरो,
संसारलाई सुहाएको सगरमाथा शीर मेरो ।

मेची काली ईन्द्रावती मर्स्याङ्दी र भेरी अनि,
रोशी कोशी गण्डकी र कर्णालीको तीर मेरो ।

नेपालको मध्यभाग बागमती दोलखा जिल्ला,
जन्मस्थान सुनखानी गौरीशङ्कर नीर मेरो ।

वीर पूर्वजको रातो रगत बग्ने पाखुरा यी,
स्वाभीमानी मन मुटू दृढता र धीर मेरो ।

शान्तीगामी लुम्विनी र पशुपती मुक्तीनाथ,
कालिञ्चोक भिमेश्वरले सँधै हर्ने पीर मेरो ।

-टहल आचार्य