@ १
१.
गाह्रो छ बिहान उठी नित्य कर्म गर्न,
डॅाडा पारी गएर यो रित्तो गाग्रो भर्न ।
२.
बुहारी उठ्छिन् एकाबिहानै अरू सुतिरहेका हुन्छन्,
चिया पाकी सकेपछि बल्ल पो कल्याङ्ग बल्याङ्ग सुन्छन् ।
✍️ राजेशराज गड्तौला
रतुवामाई-१०, मोरंग, हाल- प्रवास
@ २
१.
प्रभातीय किरण छर्दै हेर लौ नवीन बिहानी आयो,
रातीको अन्धकार हटेर असीम दीप्त उज्यालो छायो।
२.
हरेक दिनको शुभारम्भ सदैव बिहानबाटै हुन्छ,
समयको गहिरो महत्व बुझ्नेले त सफलता छुन्छ।
✍️भूषण जंग, ललितपुर नेपाल,
हाल अस्ट्रेलिया
@ ३
१.
चम्किलो ज्योति भरेर आशा उदाओस् बिहान,
सूर्यको तेज भुइँमा पर्दा व्युँझाओस् चिहान ।
२.
जाेशिला आँट गर्वका साथ माथमा राखेर,
प्रभात सदा मङ्गल बनोस् भावना साटेर ।
✍️ त्रिलोचन भण्डारी
मेचीनगर, झापा
@ ४
१.
हरपल शुभ भन्छन् कृष्णले नै दिएका,
किन अलिकति पीडा भुल्न लाई पिएका।
२.
बिहानी उदायो तब घाम देखेँ,
मसी यो बगाई रस राग लेखेँ।
✍️ पौडेल विमुन्स, पोखरा
@ ५
१.
निष्पट रातलाई चिर्दै नाैलाे बिहानी अाउँछ,
नयाँ अाशा र उमंगले याे मन मुस्कुराउँछ।
२.
उठ जाग युवा बिहानी भयाे छितिजमा अायाे घाम,
देशकाे विकास गर्नकाे निम्ति निरन्तर गराैँ काम।
✍️ ताराप्रसाद चापागाईं
धुनिबेशी न.पा.९ धादिङ
@ ६
१.
सुनौलो बिहानी सँगै आउँछ घाम,
परदेशीलाई त हुँदैन आराम।
२.
रात पछि हुन्छ बिहान आउँदै घाम,
घाम नआउँदै आउँछ मलाई काम।
३.
थाहा हुँदैन के हो रात के हो बिहानी,
परदेशमै सकिन्छ मेरो जिन्दगानी।
✍️ जगत थापा, बझाङ्ग
@ ७
१.
निस्पट्ट रातले कुर्बान दिएको निसान,
जन्मिन्छ एउटा सुन्दर सुनको बिहान ।
२.
बिहानले नयाँ जीवनको उमङ्ग भर्दछ,
भन्छन् यसले पुरै दिनको सङ्केत गर्दछ ।
✍️ श्रीकृष्ण शर्मा, पोखरा
@ ८
१.
रहन्न अधेरी रात धेरैबेर, भन्छन् आउँछ बिहानी,
आसैआसमा बसेकाछन् नयनहरू खोजेर निशानी ।
२.
जिन्दगी डुबेकोछ मेरो हेर निस्पट्ट अन्धकारमा,
आउँला बिहान कहिले जीवनको श्यामबजारमा ।
✍️वसन्त अनुभव
घोराही उपमहानगरपालिका १४, दाङ
@ ९
१.
राम्रो दिनको आरम्भ हो बिहान,
नित्य कर्मसँगै खोजौँ पहिचान।
२.
श्रीगणेश गर्ने हर कामको सही समय,
गलत थालनीमा काम बिग्रन्छन् कतिपय।
✍️म्यामराज राई
हतुवागढी-६,होम्ताङ्,भोजपुर,हाल:-जापान
@ १०
१.
त्यो बिहानीको कल्पनामा मान्छे त जागे,
जाग्दाजाग्दै त्यो जागरण खै कता भागे !
२.
आउँछ भन्दै थिए घुमीफिरी रातपछि बिहान,
बिहान ल्याउँछु भन्नेले थुपार्ने रहेछन् चिहान ।
✍️ रचना शर्मा प्रतीक्षा , ललितपुर
@ ११
१•
मिर्मिरेमा सुनौलो तारा झरेर गयो,
अनि सुन्दर बिहानीको उदय भयो।
२•
पूर्वमा लाली उदायो नि अब,
उठेर कर्ममा जुट्नु छ सब।
✍️ घनश्याम पौडेल, सृजना चोक
पोखरा
*** जय टुक्का! जय साहित्य!! ***
