१
नेतृत्व
सधैँ गाईजात्रे
चरम बेथिति कायम!
पर्व
सांस्कृतिक गर्व
नबनोस् दु:ख दर्द !
सुख
अनुभव आनन्द
आत्मिक मनको शान्ति !
✍️ सुधा बास्कोटा ढकाल, काठमाडौँ
२
गाइजात्रा
नेताको चाला
नौटङ्की ठान्यो मनले !
तिज
नेपालीको पर्व
नाच्ने गाउने बजाउने !
पञ्चमी
सप्तऋषिको पूजा
आखिर अरुन्धती समेत !
✍️ लक्ष्मी बस्याल, बर्दिया
३
अठोट
दृढ सङ्कल्प
लिएमा निस्कन्छ निष्कर्ष !
रात
जुनकिरीको उज्यालो
आशाको खल्लो दियालो !
रात
उल्लुको समय
चोरी डकैतीको भय !
✍️ सरस्वती श्रेष्ठ, रुपन्देही
४
तीज
नेपाली चेलीको
नेपाली संस्कृतिको पर्व !
संस्कृति
नराम्रो मासेर
राम्रोको पुस्ता हस्तान्तरण !
चाड
देखासिकी होइन
निलौँ घाँटीअनुसार हाड !
✍️ तिला लेकाली, मोरङ
६
सुन्दर
सुनको पिँजडा
अड्किने कण्ठमा मुक्ति !
सपना
मुठ्ठीमा संसार
मनमा हौसलाको उडान !
अभिलाषा
अतृप्त जीवन
सधैँ कल्पवृक्षको चाहाना !
✍️ विजया घिमिरे , जनकपुर
६
तीज
शिव पार्वतीको
प्रेमिल मिलनको गाथा !
तीज
दिदी बहिनीको
माईती घरमा दर !
तीजको
रमाईलो पर्वमा
नारीहरू रातो सारीमा !
✍️ उर्मिला पन्त पाण्डेय, ज्ञानेश्वर, काठमाडौँ
७
अगाडि
खोलामा बाढी
पहिरो जाने डर !
जीवन
पानीको फोका
आखिर दुई दिन !
कविता
मनको भाव
पानीको तरङ्ग पैदा !
✍️ कविता आचार्य, कैलाली
