तीतोपाटी – राष्ट्रपति श्रीमती विद्यादेवी भण्डारीले नेपालको संविधानको धारा ९३ को उपधारा (१) बमोजिम नेपाल सरकार, मन्त्रिपरिषद्को मिति २०७८/५/१९ को सिफारिसमा सम्वत् २०७८ साल भदौ २३ गते बुधबारका दिन अपरान्ह १६:०० बजे अन्तर्राष्ट्रिय सम्मेलन केन्द्र, नयाँबानेश्वरमा संघीय संसदको दुवै सदनको अधिवेशन आह्वान गरेकी छन् ।
संसदको यस अधिवेशनबाट बजेट अध्यादेश पनि पारित गराउनु पर्ने छ तर बजेट अध्यादेश भन्दा पनि एमसीसी पास गर्न सरकारले कसरत गरिरहेको छ । एमसीसीका अलावा अन्य अध्यादेशहरू पनि संसदबाट पारित गर्ने योजना सरकारको रहेको छ ।
एमसीसी सम्झौता भएको ४ वर्ष पुग्ने लाग्दा संसदको अधिवेशन बोलाइएकोले अमेरिकी मिलेनियम च्यालेन्ज कर्पोरेसन (एमसीसी) अनुमोदन गर्ने प्रकृयाको लागि संसदको अधिवेशन बोलाइएको धेरैले अनुमान गरेका छन् ।
