गजल
###
जोगी उही पुरानै छन् झोलीहरु नयाँ नयाँ ।
नेता उही पुरानै छन् बोलीहरु नयाँ नयाँ ।
भत्किएको छानो पाली घरभित्र रुवाबासी
रोटी उही बासीनै छन् सोलीहरु नयाँ नयाँ ।
कसैको त्यो नाङ्गो आङ कतै तास खापै खाप
फरिया ती फाटे पनि चोलीहरु नयाँ नयाँ ।
आन्दोलनको नाम दिई सोझालाई सिध्याउने ,
पेस्तोल खिया परे पनि गोलीहरु नयाँ नयाँ ।
जनतामा खुशी ल्याई देशको मुहार फेर्नलाई ,
हिजो जे भो हुनुपर्छ भोलीहरु नयाँ नयाँ ।
-टहल आचार्य
२०७८/०५/१४
