कति धेरै पर्न सक्या, यो भदौरे झरी पनि ।
निथ्रुक्क भै भिज्यो बरै,विचरा त्यो चरी पनि।
बगाइ सक्यो गाउँ बस्ती,भेल बाढी पहिरोले ,
त्यो मनमा छैन रैछ ,कहिँ कतै हरि पनि ।
गाँस बास, कपास र धनजनको क्षति गरि,
न त झुक्छ एकरती, भन्दैन उ सरि पनि ।
सुन्दर दृश्य प्रकृतिको, पानी पर्न छोडेदेखि,
किन राम्री हुन्थी होली ,स्वर्ग कि परि पनि ।
घाम पानी हावा छेक्ने, रुखै यहाँ सुकेपछी,
सन्तानलाई जोगाउँदा,आँखिर आफै मरि पनि।
-प्रतिमा शिवाकोटी
कालिन्चोक गा. पा.८ सुनखानी ,दोलखा
बागमती प्रदेश
(रचना : २०७७/०५/२८)
