प्रकृति
गोधुली साँझ
इन्द्रेणी रङ्ग आकृति !
-लता पौड्याल निरौला
झरी
मनमा परी
रुझे आज परेली !
-सविता के. सी.
सूर्यास्त
प्रतीक्षा समाप्त
खुसी मनाउँदै चमेरा !
-टीकाराम जोशी
श्रावण
वर्षाको पानी
मन जलेर खरानी !
-आर्त अकुलीन
हृदयमा
चिन्ताको भारी
ठप्प जिन्दगीको सवारी !
-अञ्जिता राउत
आश
कतै टुट्ला
भन्ने लागेको सन्त्रास !
-घनश्याम पौडेल
पानी
असार श्रावण
झरी जस्तै जिन्दगानी !
-मञ्जु बस्नेत
घुम्टो
बादलको फरिया
वर्षातमा जगतै हरिया !
-हिमाल अम्मै
बिहानी
कामको थालनी
प्रकृतिमा प्रचुर जवानी !
-इन्दिरा ज्ञवाली
व्रत
धार्मिक आस्था
स्वस्थ रहने कला !
-तिला लेकाली
