गजल
###
एक दिन सुबास हराइ फूलले झर्नु पर्दछ।
बल हुन्जेल यादै नहुने म पनि मर्नु पर्दछ।
जता सुन्यो खवर रक्षक नै भक्षक भएको
घटिया सोच बढ्दो छ घर भित्रै डर्नु पर्दछ।
सज्जन बनुँ कि दुर्जन भन्नेलाई के भन्दिने
जसले गर्छन् अत्याचार नमस्कार गर्नु पर्दछ।
सबैका अन्नदाता रे किसान कसरी पत्याऊँ
आफैं पेट भर्न भर तिनले अरुकै पर्नु पर्दछ।
सानो झुपडिमा जन्मेर देख्न पाइँदैन सपना,
जाबो जिन्दगी चलाउनैमा रगत छर्नु पर्दछ।
-लक्ष्मी स्मृति,बिराटनगर-५
