गजल
###
नीजि स्वार्थ पूरा गर्न अधोगति लाको देश ,
कैले उँभो लाग्नुथ्यो र निकम्बाले खाको देश।
व्यभिचारी भ्रष्टचारी हत्यारा र बलत्कारी ,
कपटी र दादा डन खुरापाती भाको देश ।
तप्केनीको बाली जस्तो सँधैभरी ओझेलमा ,
दुई ठुला ढुङ्गाको त्यो चेप झेल्दै आको देश ।
कैले भारत कैले चीन अमेरीका सम्मले नी ,
शक्ति साम्राज्य र बिस्तारवादभीत्र दाको देश ।
जान्ने सुन्ने भला पञ्च रकमी र काईतेबाटै ,
सुनको छाना उतारेर जिङल्टाले छाको देश ।
-टहल आचार्य
२०७८ /०४/०२
