चेतनाबिहिन मानव आकृति
समवेदनाविहीन मुटुको कृयाशिलता
सबैको औचित्य पुष्टि हुन बाँकी छ ।
कर्मबिहिन अभिलाषा बोक्नेहरु
पूर्ण अङ्ग बोकेका अपाङ्गहरु
तन्द्रावस्थाबाट जागृत हुन बाँकी छ ।
भ्रमित छन् दूरदृष्टिहरु यहाँ
सुषुप्त छन् मश्तिष्कहरु यहाँ
ज्योति र जगतलाई बुझ्न बाँकी छ ।
त्रसित छन बिहानिसङ्ग परजीवीहरु
मदहोश छन् अग्रगामीका कदमहरु
लोकमा जिवित्ताको अर्थ बुझ्न बाँकी छ ।
बेवारिस झै छ कर्मभूमि यहाँ
सुनसान झै छ सदमार्ग यहाँ
युगले बिगुल फुक्यो जागृत हुन बाँकी छ ।
-इन्द्र बोन्तावा “देवा”
कटुञ्जे, भोजपुर
हालः कुवेत ।
