” झरदेखी झरनासम्म ,हाम्रो यात्रा सागरसम्म ”
झरना (दश झरहरू)
१.
भानुभक्तले लेखेको कृतिले एउटा संस्कार सिकायो,
संस्कृति परम्पराको अतुलनीय व्यवहार सिकायो ।
२.
भानुभक्तले बसालेको जग अमर रहन्छ,
कथा रामायण नेपालीमा सधैँ अजर रहन्छ ।
३.
आयु यस्तो होस्, २०८ वर्ष बाँचेजस्तो होस्
अझै अर्को ८०२ वर्षसम्म ताजै युवा रहोस् ।
४.
वधूशिक्षा के थियो अझै पढ्न पाएको छैन
वधूले अक्षर देख्न चिन्न पाएको हैन ।
५.
हेर हेर पुर्खाले नारीसम्मान गरेको
आधुनिक मान्छेले मात्र नारी अधिकार हरेको ।
६.
बुझ्दैनन् अक्षर भनिकन नेपालीमा रुपान्तरण गरे
अलिअलि भएको भाषा नेपाल सरकारले हरे ।
७.
स्कुलमा संस्कृत भाषा पढाउन जरुरी छ
विषय हटाएर संस्कृतको हत्या गर्न कहाँ पाइन्छ ?
८.
छन्द खोज्छन्, हिज्जे विन्यास खोज्छन् साहित्यमा
भाषा लुकाएर कहाँ पाइन्छ यो वास्तविकतामा ?
९.
मलाई रहर छ भक्तमाला, वधूशिक्षा पढ्ने हेर्ने
यो मेरो इच्छा अब कसले हो पूरा गर्ने ?
१०.
ती पौरखी हातले कुवा बनाए, बटुवालाई पानी पिलाए
संस्कार मासिएन, नयाँ बस्यो, सन्ततिलाई केही सिकाए ।
सविता के.सी. ❤ ❤
काठमाडौ
