Tuesday 14th October 2025

इन्दिरा ज्ञवाली पाैडेलका असारे सु्सेलीहरू


मनोकामना
सु-स्वास्थ्य समृद्दिकाे
शुभकामना ।

लोक सुसेली
गुञ्जियो डाँडा पाखा
ल्याइन् कोसेली ।

असारे भाका
झ्याउरे घन्काउँदै
लगाए पाखा ।

खेत खन्दछ
हली अनि बाउसे
रोपौं भन्दछ ।

पानी परेर
मेलम्ची गाउँ झार्यो
बाढी पसेर ।

लेक बसेर
आउँदैछन्र रोपाहार
बेसी झरेर ।

मानो छरेर
फलाउनु पर्दछ
घ्याम्पा भरेर ।

भयो चटारो
गरी खान नसक्दा
हान्यो झटारो ।

जुँगा मसारो
असारे पुवा खाँदा
चुच्चो पसारो ।

पानी दर्केर
ठुस्स परी नबस
एता फर्केर ।
घाम चर्केर
ताल दिन्छ दबल्ची
मेघ थर्केर ।

पाखा पखेरो
पहिरोको सधैं डर
रोपौं चखेत्रो ।

असारे मैना
हो खेतका आलीमा
लागेको बैना ।

-इन्दिरा ज्ञवाली पाैडेल
तानसेन, पाल्पा


सम्बन्धित शीर्षकहरु

अन्तिम ओभरमा दीपेन्द्र सिंह ऐरीले उत्कृष्ट प्रदर्शन गरेपछि नेपालले आईसीसी टी–२० विश्वकप एसिया तथा इस्ट एसिया पेसिफिक छनोटको सुपर सिक्सको…

हमास र इजरायलबिचको युद्धविराम योजनाको पहिलो चरणअन्तर्गत सोमबार बन्धक रिहा गरिने भएको छ । यसै क्रममा गाजामा हमासको नियन्त्रणमा रहेका…

राजेन्द्र गोपाल सिंह - पुष्कर राज रेग्मी म पढेको स्कुल प.प.न.मा.वि. तानसेनमा पढेका हुन् । हाम्रो बसोबास पनि एउटै भगवती…

प्रतिकृयाहरू
...