तितोपाटी- सन् २०२२ को फिफा विश्वकप र २०२३ को एसियन कप छनोटको बाँकी खेलका लागि कुवेत पुगेको नेपाली राष्ट्रिय फुटबल टिम आज (आइतबार) स्वदेश फर्कने भएको छ । छनोट खेल खेलेर सकाएको टिम स्वदेश फर्कन लागेको हो ।
कुवेतमा नेपालले विश्वकप छनोटअन्तर्गत छनोटका बाँकी तीन खेल खेलेको थियो । २३ खेलाडीसहित ३६ सदस्यीय नेपाली टिम आइतबार स्वदेश आइपुग्ने भएको छ । नेपाली टिम कुवेतबाट कतारको दोहा हुँदै काठमाडौं ओर्लने जनाइएको छ ।
छनोटमा नेपालले चाइनिज ताइपेई, जोर्डन र अष्ट्रेलियाको सामना गरेको थियो । पहिलो खेलमा चाइनिज ताइपेइलाई २–० ले पराजित गरेको नेपाल जोर्डनसँग ३–० ले पराजित भएको थियो ।
नेपाल छनोटको अन्तिम खेलमा अष्ट्रेलियासित पनि ३–० ले पराजित भएको थियो । छनोटको समूह ‘बी’मा रहेको नेपालले ८ खेलबाट ६ अंक मात्र जोड्यो ।
बाह्रखरीबाट
