तितोपाटी- कुवेतमा गर्मी बढेपछि आगामी जुन एक तारिक देखी खुल्ला क्षत्रमा काम गर्न वा गराउन कुवेत सरकारले रोक लगाउने भएको छ ।
कुवेत जनशक्ति सार्वजनिक प्राधिकरणका अनुसार अत्यधिक तातोको अवधिमा दिउँसो काम रोक्ने निर्णय जून देखि सुरु हुने रअगस्टको अन्त्यसम्म जारी रहने, (PAM) लाई उद्धृत गर्दै अरबटाइम्सले लेखेको छ ।
बाहिरी तापक्रम उच्च हुने भएकाले कामदारको कार्यस्थल सुरक्षाको लागि यो निकै महत्वपुर्ण भएको मन्त्रालयले जनाएको छ।मन्त्रालयका अनुसार उक्त निर्णयको उद्देश्य कामदारलाई सुरक्षा दिनु हो, काममा अवरोध खडा गर्नु होइन, र साँझमा तापक्रम कम हुने भएकोले बेलुका ४ बजे देखी बाहिर काम गर्नको लागी अनुमती दिइएको छ।
दिउँसो ११ देखि बेलुका ४ बजेसम्म कम्पनीहरुलाई आफ्ना कामदारलाई खुल्ला क्षेत्रमा काम नलगाउन पत्राचार गरेको छ । अहिले कुवेतमा ४० देखि ४५ डिग्रीसम्म गर्मी रहेको छ ।
यो नियम खुल्ला कार्यक्षेत्र वा सीधा घाममा काम गर्नु पर्ने कामदारका लागि मात्र लागू हुने जनाइएको छ । खुल्ला क्षेत्रमा काम लगाउने कम्पनीहरुले यस्तो सूचना कामदार र निरीक्षणमा आउने पदाधिकारीहरुले देख्ने ठाउँमा टाँस्नका लागि समेत निर्देशन दिएको छ ।
मन्त्रालयले जुनसुकै बेला निरीक्षण गर्ने भएकाले सबै कम्पनीले आफ्ना कामदारलाई दिउँसोको ४ घण्टा काम लगाउन पाउने छैनन् । यदि दिउँसो काम लगाएको पाइएमा कुवेत सरकारले कडा कारवाई गर्ने बताएको छ।
