कोहि भन्छन् यो मुटुमा, बिझाउने काँडो भाछ ।
आफ्नो पार्टी आफ्नै साथि,आफैंलाई घाँडो भाछ ।
जस्को शक्ति उस्को भक्ति,भन्दै माथि पुग्नेलाई,
राजनैतिक खेल सधैं ,गरि खाने भाँडो भाछ ।
बैठक, सभा, सम्मेलन, बारम्बार गर्ने ठाँउ,
कैले बालुवाटार हजुर,कैले पेरिस डाँडो भाछ ।
जान्ने सुन्ने मै हुँ एउटा, जे गरे नि हुन्छ भनी,
राता रात निर्णय त्यो, लिनलाइ चाँडो भाछ ।
स्वार्थ लुटन यता उता जता पनि ढल्कि दिने,
असला त्यो माछा पनि ,यहाँ चेपागाँडो भाछ ।
प्रतिमा शिवाकोटी
कालिन्चोक गा.पा ८, सुनखानी दोलखा,
बागमती प्रदेश ।
(रचना: २०७८ जेठ ८ सनिवार)
