आमा भनि बोलाए मध्य रातमा
झसङ्ग विउँझिदा सिरानी साथमा
बालापनको यादले सतायो अहिले
मेरी आमा गुमाइसके धेरै पहिले ।।
संसारमा दुःखी जो छ आमा नहुँदा
मै नै हुँ अभागी भनि दिलमा दुख्दा
भन्छन् कुरा काट्नेले आई अगाडी
पीडा सुनाउ कसलाई जानी जानी ।।
बिरामी म हुँदा आतिनु हुन्थ्यो आमा
राम्रो गरे खुसीले मात्तिनु हुन्थ्यो आमा
रोग भोक र शोकमा सधैं जुट्नु हुन्थ्यो
अधर्मी र पापीलाई सधैं कुट्नु हुन्थ्यो ।
काेमल दिलकी सबकाे सेवामा लाग्ने
धनको आडम्मर नदेखाइ भावनामा बग्ने
समान ब्यबहार गर्नु हुन्थ्यो सधैं मेरी आमा
अप्ठ्याराे जंघार तर्नु हुन्थ्यो मेरी आमा ।।
ज्ञानगुनका कुरा सिकाउने मेरी आमा
अक्षरहरु घरमै चिनाउने मेरी आमा
आमा बिनाको जिन्दगी उजाड लाग्छ
एक्लो टुहुरो जिन्दगी खै कता भाग्छ।।
सुशिला पौडेल
अर्घाखाँची
