आमा,
जिवनमा कठोर संघर्ष गरि गरि
दुखपिडा सहेर बाहिर हासो छरी
न्यानो न्यानो माया मुटुभरी भरी
जन्म दियौं मलाई ज्यानको ख्याल नगरी।
आमा,
ज्ञानि गुणी बन्न पाठ धेरै पढायौ
नीतिशास्त्र शिक्षा सबै ज्ञान सिकायौ
दुनियाँले पुज्ने खालको बिद्या दिलायौ
लाखौंमा एक तारा झै महामानव बनायौ।
आमा,
युगमानव बन्नको लागि प्रेरणा दिइरह्यौ
हासि हासि हाम्रो पिडामा मलम लगायौ
हाम्रो रक्षा र पालनपोषणमा दिनरात खटियौ
राक्षस र शत्रुको अगाडि ढाल बनेर उभियौ ।
आमा,
आफ्नो मुटुको टुक्रा सबल भएको हेर्ने दिन
दुनियाँ सामु गर्व गर्नलायकको त्यो दिन
यहि आशामा पुरै जिन्दगी गयो बितेर
तर आमा तिमीलाई मैले खुशी दिन सकिन ।
इन्द्र बोन्तावा ‘देवा’
कटुन्जे भोजपुर
हालः कुवेत