कोरोनाले सयौं मरे भन कोको बचायौ तिमीले ।
नबुझेर होकी अझै बुझेर बुझ पचायौ तिमीले ।
पुजापाठ,बिहे, भोज, मिटिङ्, सभा,सम्मेलन छ,
भन्दै मान्छे थुपारेर किन फेरि नचायौ तिमीले?
कोभीड-१९ नामको भाइरस छ कि छैन भनी,
आफू-आफ्नो परिवार कुन दिन जँचायौ तिमीले?
नीति नियम कानुनको उल्लंघन गरि हिड्ने ,
खराब ती बानीहरु भन कैले सच्यायाै तिमीले ?
सङ्क्रमण बढाएर स्वस्थ्य शरीर लासै लास,
बनाएर गाँउघरमा कोलाहल मच्चायौ तिमीले?
प्रतिमा शिवाकोटी
कालिन्चोक गा. पा.८, सुनखानी दोलखा,
बागमती प्रदेश ।
(रचना: २०७८ बैशाख २५ शनिवार )
