Friday 14th May 2021

कविता: आफ्नो धर्म अनि संस्कार -कमला पाण्डेय तिवारी


बिहानीको मिर्मिरेमा हामी सबै उठ्नु पर्छ पहिल्यै ।
बाबाआमाबाट पाएको संस्कार नभुलौ है कहिल्यै ।।

जन्मजातै सनातनी हिन्दु हामी संस्कार कति राम्रो ।
उठौ जागौ आफ्नो धर्म जोगाउनु कर्तव्य हो हाम्रो ।।

सनातनि धर्म हाम्रो सबलाई गर्छ बराबर समान ।
आफ्नो धर्म सस्कृति लाई कहिल्यै परपर नमान ।।

लियौ जन्म आखिर लानु के रहिछ मरेर नि यहाँ ।
सचेत बनौं भयावह स्थिति ले विश्व घेर्दै छ जहाँ ।।

मानिस आफ्नो धर्म छोडी अन्धकारमा डुल्दैछन् ।
आफ्नो धर्म बेची बेची किन मानवता नै भुल्दैछन् ।।

बा आमाले दिएको संस्कार कहिले पनि नभुलौ ।
अन्ध बिश्वास हो हल्लामा कहिले हामी नडुलौ ।।

विश्वलाई नै थाहा छ नि कति शक्ति सनातन संस्कार ।
हे मनुष्य कसैले नि नठान्नु है यो धर्म लाई बेकार ।।

कति राम्रो धर्म हाम्रो सबैलाई भन्छ काटमार नगर ।
पछुताउनु पर्ला फेरि होला है पृथ्वी लाई भार ।।

आफ्नो धर्म भुल्यौ भने जिन्दगीमा केही छैन सार ।
खेतीपाती जोगाउन नि तिमी लाउनु पर्छ बार ।।

आफ्नो धर्म रक्षा गर्दै फालौ मैलो अनि धुलो ।
सबै मिली मानवता देखाउ यहि हो धर्म ठुलो ।।

कमला पाण्डेय तिवारी
हाल : इजरायल ।


Loading...
सम्बन्धित शीर्षकहरु

हरी कृष्ण न्यौपाने- स्याङजा घर भई लामो समय देखी पोखरामा बसोबास गरिरहेका र कुवेतमा रोजगारीका क्रममा रहेका टेकन गुरुङ ३…

तीतोपाटी - विश्वव्यापी कोरोना महामारीको दोश्रो लहर फैलिए यता नेपालमा कोरोना संक्रमित हुने र ज्यान गुमाउनेको संख्या बढ्दो छ ।…

रसै रुद्रैश्छिन्ना, यमनसभलाग: शिखरिणी ।🌷🙏🌺 म खाऊँ मैँ लाऊँ सुखसयल वा मोज म गरूँ म बाँचूँ मैँ नाचूँ अरु सब…

प्रतिकृयाहरू