तीतोपाटी – गत नोभेम्बर महिनामा हर्टअट्याक भएर ज्यान गुमाएका तनहुँका बिष्णु बि.क.को परिवारलाइ अलमुल्ला एक्सचेन्जले १ हजार केडि क्षतिपुर्ति प्रदान गरेको छ । सो कुरा मृतकका अाफन्त अमित बि.क.ले तितोपाटीलाइ जानकारी दिएका हुन् ।
अलमुल्ला एक्सचेन्जबाट रेमिट्यासन्स पठाउँदा रेमिट्यान्सकर्ताको रेमिट्यान्स पठाएको एक महिना भित्र मृत्यु भएमा १ हजार केडि क्षतिपुर्ति दिने प्राव्धान रहेको छ । सोही बमोजिम प्रकृया पुरा गरेर अलमुल्ला एक्सचेन्जले क्षतिपुर्ति उपलब्ध गराएको छ । अलमुल्ला एक्सचेन्जले यस किसिमको क्षतिपुर्ति दिएको नेपाली समुदायमा यो पहिलो पटक हो ।
गत नोभेम्बर १०,२०२० मंगलबारका दिन दिउँसो कुवेतको फर्वानियामा बिष्णु बि.क.को मृत्यु भएको थियो । उनी राष्ट्रिय पन्चेबाजा समूह कुवेतका अध्यक्ष तथा लाली गुराँस सांस्कृतिक परिवार नेपाल-कुवेतका उपाध्यक्ष समेत रहेका थिए।
