म आफै भित्र हराएको मान्छे
मन भित्र कराएको मान्छे
सबैले नकारेको मान्छे
न कसैलाई चिनेको
यो परदेशी मान्छे
न कसैलाई भोट दिएको
न कसैसँग नोट लिएको
आफैमा सक्षम हुन्छु भनी
घरबाट निस्किएको पागल मान्छे
जसरी हुन्छ रोई कराई
परदेशमा बाँचेको म मान्छे
बालुवा संग लड्न सिकेको
म मरुभूमिमा लेबरको
बिल्ला भिरेको म मान्छे
न हाँस्न सक्ने न खुसी देख्ने
म एक्लो मान्छे
मान्छेको भीडमा
आफै, आफूलाई खोज्न
न सक्ने म कस्तो मान्छे
हुन पनि हो
मलाई के थाहा?
म काे हु भन्ने?
फुर्सत जो छैन आफ्नो
जीवन सोच्ने
म पागल मान्छे
कसलाई के भन्ने
जति शब्द खोजेनि
दिमाख सान्त नहुने मान्छे
यस्तै हो परदेशी मान्छे
मान्छेको सामुन्ने नचिनिनी मान्छे
लौ यस्तै हो , जति खोजेँ नी
अनौठो मान्छे, मान्छे,!!!
-नारायण कोइराला
तानसेन पाल्पा
हाल,यूएई।
