म धर्म गर्दा उनले बुझेनन्
म अर्थ लाएँ उनले सुनेनन्
म कर्म गर्दा उनले सहेनन्
विचार राम्रो उनले गरेनन् ।१।🌷🙏🌺
लडाइँ गर्ने सिपको विकास
जवान मार्दा जनमा निराशा
विनाश गर्ने गुटको छ पक्ष
चुनाव जित्ने उनको छ लक्ष।२।🌷🙏🌺
खराब मान्छे सँगमा अवश्य
सलाम ठोक्ने नगरी नमस्ते
परेड खेल्ने चिनियाँ सिपाही
म हूँ भनेको उसले मलाई ।३।🌷🙏🌺
छ मित्र अर्को उसको विरोधी
सदैव लाग्ने उसकै पछाडि
कटाक्ष गर्दै जगमा डुलेको
लडाइँ गर्ने सपना बुनेको।४।🌷🙏🌺
स्वतन्त्र बाँच्नै उनले दिएनन्
म बिन्ति गर्दा उनले सुनेनन्
बढाइँ आफ्नै म ठुलो भनेर
गुलाम गर्छ्न् दुनियाँ भुलेर ।५।🌷🙏🌺
सिपालु उस्तै छलमा अगाडि
कुपाठ घोक्दै गुटको पछाडि
उजण्ड बानी उनका प्रशस्तै
कुकृत्य देख्दा नमजा असाध्यै।६।🌷🙏🌺
हरि शर्मा (सुवेदी)~गलकोटे कवि~ 🌷🙏🌺
मिशिगन अमेरिका ।🌷🙏🌺
