दया माया ममताको ठुलो खानी थियौ तिमी ।
पापी बाट बलत्कृत हुने नानी थियौ तिमी ।।
पढ्ने लेख्ने हाँस्ने खेल्ने बालापनको उमेरमा,
अस्तित्व नै लुटिएकि तिनै रानी थियौ तिमी
सफा मन मिलेको तन सबैसँग हाँस्दै बोल्ने,
दुःख सुख पनि बुझ्ने कति ज्ञानी थियौ तिमी ।
साना ठुला धनी गरिब जो सङ्ग नि मिली बस्ने,
दिन खान भनेपछी अति दानी थियौ तिमी ।
यमराजको बस्ती भनी पहिले नै थाहा पाए,
निडर भै सरासर किन जानी थियौ तिमी ।
प्रतिमा शिवाकोटी
कालिन्चोक गा.पा ८ ,सुनखानी दोलखा
बागमती प्रदेश
