राजनितीमा पसेका सुगा सिकेर बोल्दैछ्न्
अरौटे उनै भरौटे उनै नेताको साथ छन्
चुनाव हुँदा जिताऊँ डाँका भनेर डुल्दछ्न्
खोजेको खोज्यै मिलेन भाले अझै ती खोज्दैछ्न् ।१।💐🌷🌺🌼
साहित्यतिर कोइलीहरू सुगाको पछि छ्न्
रटेर ज्ञानी भएका सुगा उनले रोज्दछ्न्
उनैका मन्त्र घोकेर पढ्छन् थुतुनो ठड्याई
गुटको मात्र गाएका गीत गुटकै भलाई ।२।💐🌷🌺🌼
गुटको मात्र प्रचार गर्ने कसम खाएका
सिध्दान्त पनि राम्ररी जान्ने घोकेर आएका
शंकालु बानी मनमा पाप लुकेको कारण
फूलको सट्टा काँडा नै देख्छ काँडाले आँखामा ।३।💐🌷🌺🌼
बाँदरसरि बेहोरा गरी अरौटे भरौटे
कोइलीहरू बिग्रेर आज बनेका कुरौटे
पुराना थोत्रा रुखको आड लागेर बास्दछ्न्
धोत्राले खायो पुरानो रुख तैपनि लिप्त छन् ।४।💐🌷🌺🌼
व्यक्तिको पूजा गर्दछ देश निर्लज्ज बनेर
पुराना रुख बाटो नै छेक्छ्न् बाटोमै ढलेर
राजनीतिमा पुराना रुख काटेर फालौँ है
नवीन रुख उन्नत जात ल्याएर रोपौँ है।५ ।💐🌷🌺🌼
साहित्य पनि कलमी काट्ने भएको देखिन्छ
पुराना रुख ढलेका थुप्रै बाटोमा भेटिन्छ
बिराला अनि बिरालीहरू भान्सामा भान्से छन्
पुराना रूख खोजेर मात्र भोजन पस्किन्छन् ।६।💐🌷🌺🌼
पाहुना कोही घरमा देखे इशारा गर्दछन्
इशारा मान्ने भान्साका ढाडे पालन गर्दछ्न्
अतिथि आई द्वारमा बस्छ आदेश कुरेर
घरका ढाडे कुनामा बसी आफैले हसुर ।७।💐🌷🌺🌼
साहित्य सेवा पटक्कै हैन आफूको प्रचार
कविता पनि पार्टीकै नाम आचार विचार
कोइली पनि तिमी नै राख आफैले हसुर
हामीले हेर्छौँ तिम्रो त्यो जात्रा युटुब खोलेर ।८।💐🌷🌺🌼
हरि शर्मा (सुवेदी)-गलकोटे कवि
मिशिगन अमेरिका💐🌷🌺🌼
