जताततै भ्रष्टाचार, गरि खल्ती भरेका छन्
राहत भन्दै हात्तीको त्यो, मुखमा जिरा छरेका छन् ।
रोग भोक शोक चट्याङ्, बाढी पैरो हावा हुरी,
कोरोनाले दिनका दिन, मान्छेहरू मरेका छन् ।
भाँडा कुँडा खाद्यान्न र, बस्त्र पाल दिनलार्इ,
सस्तो कमसल सामान किनी, बिल पेश गरेका छन् ।
लाज शरम डर त्रास, कतै केहि नमानेर,
महादेवको साँडे सरि, ढुक्क सँग चरेका छन् ।
बुद्दिजीवी भनाउँदा, ठुलाले नै धन्दा गर्दा,
कानुनको दफा लगाइ, सोझा खोरमा परेका छन् ।
-प्रतिमा शिवाकोटी
कालिन्चोक गाउँपालिका-८
सुनखानी दोलखा, बागमती प्रदेश ।
