Monday 25th August 2025

कुवेतमा अबैधानिक भएका आप्रवासीहरुलाई बैधानिक हुन एक महिनाको समयावधि


हरि कृष्ण न्यौपाने- कुवेत सरकारले लामो समय सम्मको कोरोनाको महामारी लगायत बिबिध कारणले आफ्नो आबासिय अनुमती (भिसा) सकिएका वा बैधानिकता गुमाएका आप्रवासी कामदारहरुलाई जरिवाना तिरेर भिसा लगाई बैधानिक हुन सक्ने अबसर दिएको छ। डिसेम्बर ०१ देखि एक महिनाको समयावधि भित्र अबैधानिक बनेका आप्रवासी कामदारहरुले यो सुबिधा लिन सक्नेछन।

कुवेतबाट प्रकाशित अरब टाइम्सका अनुसार कुवेत सरकारले कुवेतको ६ वटै गभर्नरेट अफिसबाट बिबिध कारणले बैधानिकता गुमाएका आप्रवासीहरुले बैधानिक बन्ने प्रक्रिया गर्न पाउने ब्यवस्था गरेको छ । उनीहरुले कुवेत सरकारको सरकारी निकायको अनलाइन एप्लिकेश्नबाट एपोइन्टमेन्ट (भेट्ने समय)लिनु पर्ने छ । कुवेत सरकारले हरेक गभर्नरेट अफिसबाट दैनिक ४०० जना (६ वटा गभर्नेटबाट २,४०० जना)ले यो सुबिधा उपयोग गर्न सक्ने जनाएको छ । समाचारमा भनिएको छ “कुवेतमा करिब १ लाख ३० हजार अबैधानिक आप्रवासी कामदारहरु रहेको अनुमान गरिएको छ । त्यसै गरि करिब ४० हजार आप्रबासीहरुले यसरी जरिवाना तिरेर बैधानिक हुन पाउने यो १ महिनाको सुबिधा लिन सक्ने आँकलन गरिएको छ।

यसै बिच यस अघि नै विभिन्न माध्यमबाट कुवेत सरकारले “clean up the country “क्याम्पियन मार्फत कुवेतमा अबैधानिक रुपमा लुकि-छिपी बसेर काम गर्ने आप्रबासीहरुलाई पक्राउ गर्दै देश निकाला “डिपोर्टेशन” गरिने बताउदै आएको छ। त्यस्तै आममाफी (एम्नेस्टि ) खुल्ने हल्लाको पछि नलाग्न र कुवेत सरकारको सरकारी निकायहरुबाट प्रकाशित र प्रसारित समाचारमा मात्र बिश्वास गर्न पनि कुवेत सरकारेले सबैलाई अनुरोध गरिसकेको छ।


सम्बन्धित शीर्षकहरु

कुवैत शहर, अगस्ट २३ आन्तरिक मन्त्रालय अन्तर्गतको लागूऔषध नियन्त्रण सामान्य विभाग (DCGD) निर्देशक ब्रिगेडियर जनरल मोहम्मद कबाजार्ड र उपनिर्देशक ब्रिगेडियर…

रियाद: साउदी अरबका युवराज मोहम्मद बिन सलमानले बिहीबार वार्षिक राष्ट्रिय रक्तदान अभियान सुरु गर्न रक्तदान गर्नुभयो, जुन एक दयालु इशारा…

न्यायको क्रूर कार्यान्वयनमा, इरानले तीन दिनमा दोस्रो सार्वजनिक मृत्युदण्ड दियो। बिहीबार, अगस्ट २१ मा, हत्याको दोषी ठहरिएका एक इरानी पुरुषलाई…

प्रतिकृयाहरू
...