तितोपाटी-पछिल्लो २४ घन्टामा देशभर थप ९ जना कोरोना संक्रमितको मृत्यु भएको छ । मृत्यु हुनेमा ४ जना महिला र ५ जना पुरुष रहेकाछन् । यो संगै देशभर कोरोना संक्रमणबाट मृत्यु हुनेको कुल संख्या ५६३ पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन ।
ललितपुरमा १ जना महिला र २ जना पुरुष गरी ३ जना, काठमाडौंमा २ जना महिलाको मृत्यु भएको छ । त्यसैगरी नवलपरासीकी १ जना महिला, तेह्रथुम, चितवन र सुनसरीका १ –१ पुरुषको मृत्यु भएको छ भने देशभर १५५१ जनामा कोरोना संक्रमण पुष्टि भएको मन्त्रालयका प्रवक्ता गौतमले बताए ।
हालसम्म देशभर संक्रमित हुनेको संख्या ९०,८१४ पुगेको छ । ६७,५४२ जना संक्रमित निको भएर घर फर्किएका छन भने ५६३ जनाको मृत्यु भएको स्वास्थ्य मन्त्रालयले जनाएको छ ।
