यसपालि दशैमा
कती ठूलो आस थियो
मनको सबै कुराहरू
कवितामा लेख्नु पर्यो।।
चोक अनि चौपारीमा
रमाउने मन थियो
रातो टिका निधारमा
जमरा कानभरी।।
सबै जम्मा भएर
हल्ला गर्ने गाँउ भरी
खोर्खोरे खेल्ने अनि
हार्ने जित्ने रमाइलो।।
बुढापाका तास खेल्छन्
हेर्न कती रमाइलो
आशिर्बाद दिनु भनि
गाँउ भरी घुम्नु थियो।।
कति पैसा भयो भनी
लुकी लुकी हेर्नु थियो
गाँउ भरी घुमेर पिंग
पनि खेल्नु थियो।।
यी सबै आशाहरु
सपना भइदिए
यसपाली घरमै बसी
दशै मनाउन पर्ने भयो।।
-नारायण कोइराला
तानसेन पाल्पा
हाल- यूएई
